Водата во Скопје поскапува, за колку ќе одлучат градските советници

Водата во Скопје поскапува, но која ќе биде конечната цена ќе треба да одлучи Советот на Град Скопје во рок од 5 месеци. 

Според информациите од РКЕ, тие денеска дале предлог за зголемување од најмалку 7 или најмногу 34 денари на месечната сметка. 

- ЈП „Водовод и канализација“ достави барање во кое побараа зголемување од 30 денари по просек на сметките на месечно ниво. РКЕ по направените анализи даде предлог цена што на крајните сметки ќе значи зголемување од 7 денари. Советот треба да донесе конечна одлука, посочуваат во информацијата испратена до јавноста од РКЕ.