Врнежите добредојдени за земјоделството
Врнежите што минатата недела ја зафатија Македонија се повеќе од добредојдени за земјоделството, велат агрометеоролозите.
За ниту една од културите влажниот бран не беше ризичен, ниту ќе предизвика некаков проблем зашто почвата е доволно сува и има капацитет да ги впие наврнатите количини.
- Имавме многу врнежи, но не интензивни, што е одлично за земјоделството зашто влага во почвата немаше. Нема да има проблем за ниту една култура. Минатата среда кога бевме на терен, тоа се покажа. Забарување (задржување вода на површината) немаше, но и да лежи вода на површината, почвата има капацитет да ја впие, изјави за МИА Ангелко Ангелески од УХМР.
Претходно, рече Ангелески, страдаа и овошките и виновата лоза, а сега се веќе обезбедени со влага особено во подлабоките почвени слоеви.
- Површинската влага е доволна за поникнување, но не и за презимување. Мора да се подигне нивото на подземните води, а во прилог на тоа оди и стабилното и суво време кое се најавува за неделава, истакна Ангелески.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата