Зголемени сообраќајни контроли на полицијата во Тетовско
Нешто над 1.500 сообраќајни прекршоци открила полицијата во засилените акциски контроли во текот на февруари на поширокото Тетовско подрачје. Во контролите биле опфатени над 4.400 возила што е за 545 возила повеќе во однос на истиот период лани, информираа денеска од СВР Тетово.
Во посочениот период од сообраќај биле исклучени 190 возачи при што 94 немале важечки возачки дозволи, 30 управувале под дејство на алкохол, 59 возачи – почетници не се придржувале на законските ограничувања предвидени за оваа категорија учесници во сообраќајот, а шест управувале со важечка забрана за тоа. Писмено предупредени за прекршоците што ги направиле биле 286 возачи, на 90 им биле одземени возачките, а на 55 сообраќајните дозволи.
Истовремено од сообраќај биле исклучени 40 возила, од кои 23 за истечена регистрација и 17 поради нивна техничка неисправност. Во текот на февруари полицијата изготвила и 835 мандатни и 425 прекршочни платни налози.
За непрописно односно погрешно паркирање минатиот месец од страна на полицијата соодветно биле санкционирани и подигнати 186 возила најмногу во потесното тетовско градско подрачје, информираа од СВР Тетово.
Ново на Сител
-
Тема на денот со Лилјана Поповска
-
Гордана Силјановска Давкова положи заклетва во Парламентот и ја презеде функцијата претседател
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр