Златни медали за беровските гимназијалци на меѓународен натпревар
На есенската сесија на меѓународниот натпревар „Математика без граници“ во Стара Загора, Бугарија, учениците од беровската гимназија „Ацо Русковски“ освоија три златни медали и еден сребрен.
Директорот Гоце Џалевски, при доделувањето на медалите и сертификатите рече дека тие се потврда за квалитетната настава во беровската гимназија.
- Наши ученици учествуваа на меѓународниот натпревар кој е поделен во четири квартали, а во есенскиот дел ние учествувавме со четири ученици и сите добија медали. Значи освоивме три златни и еден сребрен медал што е огромен успех за нашето училиште. Имаме доста талентирани ученици, можам да се пофалам дека во природните науки сме многу добри и тешко дека некој ќе нѐ победи. Како училиште даваме поддршка на овие ученици и ги обезбедуваме сите средства потребни за настапи на наши ученици на вакви натпревари, рече Џалевски.
Професорот по математика Крум Спенџарски, рече дека на натпреварот учествуваат илјадници ученици од сите континенти.
- Овие ученици и досега покажуваа одлични резултати на натпреварите. Ова натпреварување е само доказ дека со програмата по математика и со наставата, се движиме во вистинска насока, а овие ученици ги подготвуваме за натпреварите и за останатите квартали, како зимскиот, потоа пролетниот, а финалниот летен натпревар ќе сеодвива во Несебар, Бугарија, рече Спенџарски.
Златни медали на меѓународниот натпревар освоија учениците Христијан Чочевски и Моника Стојовска ученици од трета година гимназиско образование и Милан Тасевски од втора година, а сребрен медал освои Никола Чамовски ученик во трета година.
Ново на Сител
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
-
Грчки медиуми: Сиљановска вели дека се однесуваат одговорно кон Договорот од Преспа, се сомнева дали истото важи и за Грција
-
Приведен кавадарчанец за нанесена тешка повреда на неговиот син
-
Студија на ОН: Се зголемуваат ризиците за мигрантите во Медитеранот
-
МВР: 223 возачи казнети за брзо возење