НБА лига: Сигурни победи на фаворитите за највисок пласман

 

Трите главни фаворити за шампионскиот трофеј во НБА лигата, остварија победи на натпревараите кои се одиграа ноќеска.

 

Тандемот Кајри Ирвинг со 25 и Леброн Џејмс кој постигна 21 поен му ја донесоа на шампионот Кливленд десетата победа и тоа совладувајќи го Детроит со 104-81.

 

Тимот на Голден Стејт славеше победа на гостувањето кај Бостон со 88-104. Во победничкиот тим Клеј Томсон оствари 28 поени, додека Кевин Дурант беше стрелац на 23 коша, а имаше и 10 скокови, додека Стив Кари средбата ја заврши со 16 поени.

 

Екипата на Оклахома Сити предводена од Расел Весбрук кој оствари дабл-дабл учинок од 30 поени и 11 скокови славеше убедлива победа над Бруклин со 124-105.

 

На останатите средби беа постигнати овие резултати: Шарлот - Атланта 100-96, Индијана - Феникс 96-116, Њу Орлеанс - Портланд 113-101, Далас – Мемфис 64-80, Денвер – Торонто 111-113 (по продолжение), ЛА Лејкерс - Сан Антонио 107-16 и Сакраменто - ЛА Клиперс 115-121.

 

Табела – Источна конференција: Кливленд 10-2 (победи-порази), Атланта 9-3, Шарлот 8-3, Торонто 8-4, Чикаго 8-4, ...

 

Табела – Западна конференција: ЛА Клиперс 11-2 (победи-порази), Голден Стејт 10-2, Сан Антонио 10-3, Оклахома 8-5, Мемфис 7-5, Хјустон 7-5, ЛА Лејкерс 7-6,...