Претседателот Пендаровски на Преспа форум за дијалог 2023

Претседателот на државата Стево Пендаровски ќе учествува на Преспа форум за дијалог 2023, што се одржува во Струга на тема „Проширено европско семејство до 2030: (Не)возможна мисија?“.

Како што е најавено, денеска претседателот Пендаровски ќе се обрати на сесијата „Мир и демократија наспроти војна и автократија“.

Предвидено е претседателот Пендаровски да оствари средби со претседателот на Република Хрватска, Зоран Милановиќ, со претседателот на Република Албанија, Бајрам Бегај, со претседателот на Црна Гора, Јаков Милатовиќ и со помошник генералниот секретар на ОН за Европа, Централна Азија и Америка, Мирослав Јенча.