Срна ја засилува Барселона

Барселона во зимскиот преоден рок ќе потпише со хрватскиот десен бек Дарио Срна, објавија АС и Мундо Депортиво.

 

Барселона долго време е во потрага по десен бек, медиумите шпекулираа со имињата на Бранислав Ивановиќ, Стефан Лихштајнер, Матија Де Шиљо и Антонио Рукавина, но изборот падна врз некогашниот капитен на хрватската репрезентација.

 

Срна е легенда на украински Шахтјор, а неговиот договор со овој клуб истекува по завршувањето на сезоната. Шахтјор е подготвен својот капитен да го пушти без обештетување да замине во Каталонија.

 

Инаку позицијата десен бек е најпроблематичната во Барселона, а осебоно тоа се чувствува по заминувањето на Дани Алвеш. Принудно на таа позиција игра серхи Роберто, бидејќи Алекс Видал по доаѓањето од Севилја не ги оправда очекувањата.

 

Дарио Срна е играч сличен на Дани Алвеш, но поради годините, веќе има 34, не може да биде долгорочно решение, поради што Барселона во летниот преоден рок ќе тргне по фудбалерот на Валенсија Жоао Кансело.