Шведска го укина ембаргото за извоз на оружје во Турција

– Шведскиот Инспекторат за стратешки производи денеска информираше дека повторно издава дозволи за извоз на воена опрема во Турција, со тоа е укинато ембаргото што беше на сила од 2019 година.

Ваквиот потег е поврзан со напорите на Шведска да влезе во НАТО.

Нордиската земја поднесе барање за членство во воениот сојуз по руската инвазија на Украина.

Инспекторатот за стратешки производи почна со давањето извозни дозволи за третиот квартал, без да ги открие компаниите или производите што добиле зелено светло. Оттаму наведуваат дека станува збор за доверливи податоци.

Турција во мај соопшти дека забележала позитивен став кон укинување на ембаргото.